Re: (VU-Study-Corner) ...............life story of a typical male in our society...............

thanx for nice sharing

On 5/31/11, >> sha << <liveshani@gmail.com> wrote:
> When a male is born in a Pakistani family, his birth is celebrated. He
> is loved and pampered by his mom and sisters. One day another female
> enters the life of this man and (in majority of cases) he fails to
> maintain a balance. Here is a life story of a typical male in our
> society.
>
>
>
> Jab tu paida hua kitna majboor tha
> Yeh jahan teri sochoun se bhi door tha
>
> Haath paoun bhi tab tere apney na they
> Teri aankhoun main dunya ke sapney na they
>
> Tujh ko aata tha jo sirf rona hi tha
> Doodh pe ke tera kaam sona hi tha
>
> Tujh ko chalna sikhaya tha maa ne teri
> Tujh ko dil main basaya tha maa ne teri
>
> Maa ke sayee main parwaan charney laga
> Waqt ke saath qadd tera bharney laga
>
> Dheerey dheerey tu karial jawaan ho gaya
> Tujh pe sara jahaan mehrbaan ho gaya
>
> Zor-e-bazu pe tu baat kerney laga
> Khud se sajney laga, khud sawrney laga
>
> Aik din ek haseena tujhey bha gaye
> Ban ke dulhan woh tere ghar aa gaye
>
> Farz apney se tu door honey laga
> Beej(seed) nafrat ka khud hi tu boney laga
>
> Phir tu maa baap ko bhi bhulaney laga
> Teer baatoun ke phir tu chalaney laga
>
> Baat be baat en se tu larney laga
> Qaida ek naya phir tu perhney laga
>
> Yaad ker tujh se maa ney kaha tha ek din
> Abb hamara guzara nahin tere bin
>
> Sunn ke yeh baat tu taish main aa gaya
> Tera ghussa teri aqal ko kha gaya
>
> Josh main aa ke tu ne yeh maa se kaha
> Main tha khamosh sab dekhta hi raha
>
> Aaj kehta houn peecha mera chor do
> Jo hai rishta mera tum se woh tor do
>
> Jao ja ke kahin kaam dhanda karo
> Log mertey hain tum bhi kahin ja maro
>
> Baith ker aahain bhartey they woh raat bhar
> Un ki aahoun ka tujh pe hua na asr
>
> Aik din baap tera chala rooth ker
> Kaisi bikhri thi phir teri maa toot ker
>
> Phir woh be-bus ajal ko bulati rahi
> Zindage iss ko her roz sta-ti rahi
>
> Aik din mout ko phir tars aa gaya
> Iss ka rona bhi taqdeer ko bha gaya
>
> Ashq aankhoun main they woh rawana hui
> Mout ka ek hichki bahana hui
>
> Ek sakoo iss ke chehrey pe chaaney laga
> Phir to mayat(dead body) ko iski sajaney laga
>
> Muda-tein ho gayein aaj bhoora hai tu
> Jo para tuti khatiya pe koora(garbage) hai tu
>
> Tere bachey bhi ab tujj se dartey nahin
> nafaratein hain, muhabbat woh kerty nahin
>
> Dard main tu pukarey ke "oh! mere maa!"
> Tere dam se roshan they dono jahan
>
> Waqt chalta rahey, waqt rukta nahin
> Toot jata hai woh jo ke jhukta nahin
>
> Ban ke ibrat ka tu ab nishaan reh gaya
> Dhoondhey(find) zor tera kahan reh gaya
>
> Tu ehkaam-e-Rabbi bhulata raha
> Apney maa baap ko tu sta-ta raha
>
> Kaat le tu wohi, tu ne boya tha jo
> Tujh ko kaisey miley tu ne khoa tha jo
>
> Yaad ker ke gaya dorr roney laga
> Kal jo tu ney kia aaj honey laga
>
> Mout mangey tujhey aati nahin
> Maa ki surat nighahoun se jati nahin
>
> Tu jo khansey to aulad dant-ty tujhey
> Tu hai nasoor, sukh koun bant-tey tujhey
>
> Mout aye gi tujh ko magar waqt per
> Ban hi jaye gi teri qabr waqt per
>
> Qadar maa baap ki gar koi jaan ley
> Apni jannat ko dunya main pehchaan ley
>
> Aur leta rahey woh baroun ki dua
> Isske dono jahan, isska hammi Khudah
>
> Yaad rakhna to saghir ki iss baat ko
> Bhool jaana na rehmat ki barsaat ko!
>
> --
> Join us at facebook: https://www.facebook.com/VU.Study.Corner
>
> Group Link: http://groups.google.com/group/VU-Study-Corner?hl=en
>
> Group Rules: http://groups.google.com/group/VU-Study-Corner/web/group-rules
>
> Unsubscribe: VU-Study-Corner+unsubscribe@googlegroups.com
>
> Adult contents, Spamming, Immoral & Rudish talk, Cell number, Websites &
> Groups links specially in paper days are strictly prohibited and banned in
> group.
>

--
Join us at facebook: https://www.facebook.com/VU.Study.Corner

Group Link: http://groups.google.com/group/VU-Study-Corner?hl=en

Group Rules: http://groups.google.com/group/VU-Study-Corner/web/group-rules

Unsubscribe: VU-Study-Corner+unsubscribe@googlegroups.com

Adult contents, Spamming, Immoral & Rudish talk, Cell number, Websites & Groups links specially in paper days are strictly prohibited and banned in group.