meri aap sab se guzarish hai k aap sab yeh message poora parhain, aur agar aap kisi aisi larki ko jantay hain jo k upcoming semester mein CS619 course le gi tou aap yeh message usay bhi forward karain. shukria
jaisa k aap ko maloom hai k cs619 project mein ziada se ziada 2 members allow hotay hain tou VU communities mein aik cheez kafi dekhnay ko mili hai k students email kar rahay hotay hain k kia kisi ka falaan wala project hai, mujhay project member ki talash hai... aisi emails larkon aur larkion donon ki janib se dekhnay ko mili hain pichhlay semesters mein.... meri yeh email khas tor par un larkion k liay hai jo k vu communities par aisi emails karti hain k hamain kisi member ki talash hai... aur woh koi aisa project member choose kar leti hain jisay woh larki zera bhi nahin janti hoti.. woh larki yeh sochti hai k member hotay hooay ham donon aik doosray ki help kar lia karain gay aur project ka kaam aasan ho jaye ga...
main yahan pe aap ko aik aisi larki ki hi story sunana chahoon ga jisay main janta hoon, jo 09040 batch ki hai... jis nay vu google groups pe email kar k apna aik project member choose kar lia tha jo k larka tha aur us k apnay city ka bhi nahin tha... aur kabhi us se pehlay baat bhi nahin hooi thi.... hooa kuch yoon k woh larka us larki se ghatia baatain karna shuroo ho jata tha... usay kehta tha k meri girl friend bano, meray se flirt karo... etc. etc. remember, woh larki shadi shuda bhi thi.. par woh larka phir bhi usay kehta tha k meri girld friend bano ..... woh larka us larki ko kayi baar yeh bhi keh chuka tha k main apna admission cancel karwa doon ga ... email kar k kahoon ga k mujhay tum se project member alehda kar dain.... etc. etc.. iss k ilawa bhi aur dhamkiaan deta tha.... woh larka documents sari submit karta tha.. par larki ko kuch nahin samjhata tha... us larki ka kuch din pehlay viva hooa aur us nay bataya k zera bhi achha nahin hooa kyun k usay project k hawalay se kuch nahin bataya tha us larkay nay....
meri special request hai girls se k aap agar kisi larkay ko as a project member choose karain tou tabhi karain jab aap usay bahut pehlay se achhhi tarah janti hon (agar out of city hai tou).. us k character k baray mein aap ko achhi tarah pata ho k kaisa insan hai... vu communities par se project member choose karna faida mand bhi hai, aur nuqsan deh bhi... nuqsaanaat mein aik tou main nay ooper story likh di jo k sab se bara nuqsan hai..... yeh nah ho k aap k sath bhi aisa ho jaye jaisa k ooper jis larki ka main nay haal bayaan keea hai, aisa ho jaye.... isi liay aap girls se meri request hai k vu communities par se kisi aisay boy ko jisay aap jaanti nah hon, aur aap k city ka bhi nah ho... tou aisay boy ko project member bananay se avoid karain...
Important Note: meri iss email ko koi bhi dil pe mat le.. khas kar BOYS... mujhay yaqeen hai k yahan kuch log aisay reply karnay lag parain gay k larkiaan bhi aisi waisi hoti hon gi... larki ka bhi koi qasoor ho ga... etc. etc. haan, aisa hota ho ga.. lekin main nay sirf aik waqia likha hai jis mein baghair kisi ko janay project member bananay ka kia nuqsan hooa... aur aap k comments bhi sirf issi baat pe honay chahiyain k baghair kisi ko janay hooay project member banana chahiye ya nahin.. shukria
Join us at facebook: https://www.facebook.com/VU.Study.Corner
Group Link: http://groups.google.com/group/VU-Study-Corner?hl=en
Group Rules: http://groups.google.com/group/VU-Study-Corner/web/group-rules
Unsubscribe: VU-Study-Corner+unsubscribe@googlegroups.com
Adult contents, Spamming, Immoral & Rudish talk, Cell number, Websites & Groups links specially in paper days are strictly prohibited and banned in group.
No comments:
Post a Comment