[l1] [l1] MUHABBAT KI KAHANI [l1] [l1]
Kisi Nay Sach Kaha Hai Yeh
Muhabbat or Kahani Main
Koi Rishta Nahi Hota
Magar Meri Muhabbat to
Kahani hi Kahani Hai
Muhabbat ki Kahani main
Koi Raja Na Raani Hai
Muhabbat ki Kahani to
Musafat hi Musafat Hai
Muhabbat ki Musafat or
Zaroorat ki Musafat main
Yehi Bas Farq Hai Itna
Zaroorat ki Musafat main
Musafir Wapsi k Saaray Imkan Paas Rakhta Hai
Muhabbat ki Musafat main
Musafir k Palat'nay ka
Koi Rasta Nahi Hota
Jalaa Detay Hain Saahil Per
Wo Saari Kashtiyan Apni
Keh Na-Umeed Honay Per
Palatna Bhi Agar Chahain
To Wapis Ja Nahi Paa'en
Waheen Gharqaab Ho Jaa'en.....!!!!!
.
.
.
.
.
.
Muhabbat ki Kahani main Musafat ki Bashaarat thi
Musafat Tay Hui to Phir
Jala dali theen Main ne bhi
Waheen Sab Kashtiyan Apni
Jahan Pehla Paraa'ow tha
Shikasta Jism tha Mera
Mere Seenay main Ghaa'ow tha
Bharakta ik Alaa'ow tha
Kisi ki Chah main Sab Kuch Luta ker
Aa Giya tha Main
Kahan Per Aa Giya tha Main
Jahan Pehchan ka Apni Hawala hi na Milta tha
Hawadis k Thaperon Say
Sambhala hi na Milta tha
Shab-e-Terah(13) ko nikla tha
Ujalon ki Tamanna Main
Magar Mujh ko Kisi Jaanib
Ujala Hi Na Milta tha
Magar Himmat Nahi Haari
Magar Himmat Nahi Haari
Yahan Tak Aa Giya Hoon Main
Jahan Her Soo Ujala Hai
Meri Pehchan hai Apni
Watan Mera Hawala Hai
Mujhay Is nay Sambhala hai
Isay Is Nay Sambhala Hai
Yehi Mera Hawala Hai
Yehi Tera Hawala Hai
Yehi Tera Hawala Hai....!!!
--Join us at facebook: https://www.facebook.com/VU.Study.Corner
Group Link: http://groups.google.com/group/VU-Study-Corner?hl=en
Group Rules: http://groups.google.com/group/VU-Study-Corner/web/group-rules
Unsubscribe: VU-Study-Corner+unsubscribe@googlegroups.com
Adult contents, Spamming, Immoral & Rudish talk, Cell number, Websites & Groups links specially in paper days are strictly prohibited and banned in group.
No comments:
Post a Comment